曾经因为违法"占中"前冲击政府东翼前地而有咗案底嘅"众志"前主席罗三七（罗冠聪）、现秘书长黄之锋（河童锋），噚日都"非常醒目"咁冇参与暴力冲击，而系特登搵几个未有刑事案底嘅成员去冲；冲击时在场嘅"议会阵线"议员毛婆（毛孟静），嗰一刻冇加入冲击，而系事后同其他反对派议员发"联合声明"去"谴责政府漠视民意"，呢两件事，充分表现咗反对派一直以来"叫人冲、自己松"嘅伎俩。

埋牙就潜水 借炮灰抽水

喺"众志"一干人等冲击后，唔少眼尖嘅网民发现两个"大佬"罗三七、河童锋以至周庭都冇参与，而系事后先去众人被拘留嘅警署"声援"并开记者会。"Ken Lee"就问："罗冠聪同埋黄之锋唔系陪住几个同学示威吗？"

"Pui Lau"直指："罗冠聪，黄之锋，周庭，香港衆志领导人，搞政治，怕坐监，搵学弟学妹下海，计划好晒，......你仲系大佬大家姐？仲系人嚟既（嘅）？"

"Kan Liu"直指，"老实讲坐喺度果（嗰）五个，边个系冇政党（『众志』）背景，系真市民黎（嚟）？""神驹"仇思达就揶揄："（『众志』）长期无活动，零曝光，下次游行集会年宵搵鬼捐款？"

"Milk Tea"就突破盲肠，指嗰几个"大佬大姐"系因为怕坐监而丧失参加今年11月区议会选举嘅资格："今（昨）日先公布区选日期。选举近了，就算中箭（『众志』）明知入唔到闸都一定会再试下（吓）去参选区议会的。"

被捕者头痕 毛宣传游行

当时喺冲击现场嘅毛婆，扮晒"关心"咁，但即场就冇加入"静坐"，事后先喺立法会大楼内见记者，声称"众志"班友系因为"官迫民反"所以先会冲击。

身为"民主派会议"召集人嘅吽A仲联同民主党、公民党、"专业议政"、其他反对派议员，同佢自己个"议会阵线"发表联合声明，话特区政府官员拒绝接收"众志"的请愿信，"视民意如无物"，并谴责政总保安"以不必要的武力对付『众志』示威者"，仲乘机话修例会"严重损害香港的人权和法治"，同时卖广告叫人出席佢哋喺本月底举行的相关游行。

网民"Ng Alex"质问："巫（毛）婆做乜唔占埋一份？""Daniel Lee"亦道："永远不见『泛民主将』子女去反嘅？""Fong Kwun Shing"就寸道："因为佢地（哋）子女要留返有用之身，去包庇杀人犯～～呢d（啲）烂头傻仔，就由傻仔去做好了～～"