话要捍卫言论自由，最后俾人踢爆唔准”独派”学生上台讲嘢，咁样衰要点解围？”民阵”就将问题变成”集体责任”，拉埋”民主派会议各议员”入嚟，话咁样先系大家”接受”嘅安排，有人就谂到要搵人祭旗，话系疑似”占中纠察”郭绍杰唔畀学生发言喎，郭绍杰随即留言话”唔好屈我”，自嘲自己喺”大台”下都系小薯一名，”一日最衰都系郭绍杰？所有嘢都系郭绍杰搞成？大家唔好咁抬举我啦！”

爆单咁嘅丑闻，反对派又唔知点落台啦，网民”Cheung Chi FungJohnny”就学晒戴耀廷啲”误会”、”可能”，留言话︰”就我今晚现场所见，中大岭大学生原本同『民阵』相关人士有交待，系被容许上台，但我见到系疑似Siu Kit AlexKwok（郭绍杰）意（图）阻止学生进场发言，少数把持『民阵』的人自作主张，咪又搞到大家互相止（指）责吧！”

咁样一讲，咪由”大台”问题变做一男子问题啰，好多人都跟口就闹爆郭绍杰”×街”。

不过，郭绍杰就留言反驳，叫大家唔好屈佢，仲批评啲人未搞清楚事实根据，就乱咁指责人，”根本冇逻辑可言”。 

来源：文汇报