反对派策动的反修例行动已开始祸延至各区，其中"金金大师"梁金成就发起今日的所谓"光复上水"游行，估计又会吸引唔少"勇武"分子及惟恐天下不乱者参与。游行是为了所谓"大义"?咪傻啦!有网民在连登讨论区"有图有真相"咁踢爆梁金成曾密会上水区乡事委员会主席侯志强，之后就同警方申请咗条无乜影响性嘅游行路线，背后肯定有阴谋，并呼吁其他参与者小心俾人利用，要识得执生。呢班人各怀鬼胎，上水人睇嚟都系要自求多福。

　　"VIP房食4个钟饭"

　　有网民"踢爆"日前到粉岭一间酒楼食饭时，见到梁金成同侯志强喺VIP房食咗4个钟饭，点知事隔1日，梁金成就同警察倾咗条完全对水货客无影响嘅游行路线出嚟。佢仲话，条路线只系包围住个旧墟兜圈，完全唔知行嚟有咩用。

　　有传媒其后报道呢件事，仲先后搵咗梁金成同侯志强两人问回应。梁金成只系话有"中间人"联络过佢，希望取消"光复行动"，但已被他拒绝，又"缩沙"指自己只系协助市民申请不反对通知书同规划游行路线。

　　侯志强在接受传媒查询时称，从无叫人不要去游行，又称自己曾参与6月9日、12日及16日的游行示威，21日包围警总也在外围"凑热闹"。今日，他会在上水设站为示威者免费供应水："我支持合法、理性、守法游行，但我不支持违法，包括互相指骂......能够有更多人(示威者)来上水行行，表达意见，商户及购物人士就会检点，不要妨碍街坊，这是好事啊!"

　　网民对此反应极大。"踢爆"饭局一事嘅网民怒骂梁金成："讲得咁好听话自己同『中间人』倾，就系唔想你地(哋)知见嗰个其实系『左派狗』。唔系做乜比(俾)人笃爆咗都仲要坚持唔认?"总括嚟讲，佢认为如果要SAY NO，好似班学生咁拒绝林郑咪得囉，驶(使)乜仲要咁好闲情坐低食饭倾足4粒钟呀。佢仲话："真系连白鸽(民主党)年头个游行条路线都好过你，你丑唔丑?"

　　网民质疑勾结乡事

　　不少网民加入谴责行列，"代你白头"话收到风，梁金成谂住派人同其他反对派中人对选，仲话"留名睇叫完人冲，自己就缩"。"旺尖旺金毛玲"则话："个个出黎(嚟)受棍打 你就走去勾结乡事?"亦有人翻旧账，话本身也是"北区水货客关注组"发言人嘅梁金成曾于2016年发起"五.一上水齐劳动"有约百人参与，他于当日称收到可靠消息，指疑有黑帮混入游行队伍"搞事"而突然宣布取消行动。

来源：文汇报